آج کے دن کی آیت

یسُوع نے جواب میں اُن سے کہامیں تُجھ سے سچ کہتا ہوں کہ جب تک کوئی نئے سِرے سے پیدا نہ ہو وہ خُدا کی بادشاہی کو دیکھ نہیں سکتا۔

لیکن جتنوں نے اُسے قبُول کیا اُس نے اُنہیں خُدا کے فرزند بننے کا حق بخشا یعنی اُنہیں جو اُس کے نام پر ایمان لائے ہیں۔

وہ اپنے گھر آیا اور اُس کے اپنوں نے اُسے قبُول نہ کیا۔

خُدا کو کسی نے بھی نہیں دیکھا۔ اِکلوتا بیٹا جو باپ کی گود میں ہےاُسی نے ظاہر کیا۔ (یوحنا 1:18)

اور چرواہے جیسا اُن سے کہا گیا تھا ویسا ہی سب کُچھ سُن کر اور دیکھ کر خُدا کی تمجِید اور حَمد کرتے ہوئے لوٹ گئے

عالمِ بالا پر خُدا کی تمجید ہواور زمین پر اُن آدمیوں میں جن سے وہ راضی ہے صُلح۔

کہ آج داؤد کے شہر میں تُمہارے لیے ایک مُنجی پیدا ہوا ہے یعنی مسیح خُداوند۔

مگر فرشتہ نے اُن سے کہا ڈرو مَت کِیُونکہ دیکھو میں تمہیں بڑی خوشی کی بشارت دیتا ہوں جو ساری اُمت کے واسطے ہوگی۔

جب وہ وہاں تھے تو ایسا ہُواکہ اُس کے وضع حمل کو وقت آ پہنُچا۔

پَس یُو سُف بھی گلیل کے شہر نا صرت سے داؤد کے شہر بیت الحم کو گیاجو یہُودیہ میں ہے۔ اِس لیے کہ وہ داؤد کے گھرانے اور اولاد سے تھا۔ تاکہ اپنی منگیتر مریم جو حاملہ تھی نام لِکھوائے۔

اور یُوں ہوگا کہ جو کوئی خُداوند کا نام لے گا نجات پائے گا۔ اور اُس نے بہت سی باتیں جتا جتا کراُنہیں یہ نصیحت کی کہ اپنے آپ کواِس ٹیڑھی قوم سے بچاؤ۔ پَس جن لوگوں نے اُس کا کلام قبُول کیااُنہوں نے بپتسمہ لیااور اُسی روز تین ہزار آدمیوں کے قریب اُن میں مِل گئے۔

پُس اے بھائیو! تُمہیں معلوم ہو کہ اُسی کے وسیِلہ سے تُم کو گناہوں کی مُعافی کی خبر دی جاتی ہے۔ اور موسیٰ کی شِریَعت کے باعث جن باتوں سے تُم بَری نہیں ہو سکتےتھے اُن سب سےہر ایک ایمان لانے والااُس کے باعث بَری ہوتا ہے۔

اے خُداوند لشکروں کے خُدا! ہم کو بحال کر۔ اپنا چہرہ چمکا تو ہم بچ جائیں گے۔

اپنا مُنہ کھول۔ راستی سے فیصلہ کر اور مسکِینوں اور مُحتاجوں کا اِنصاف کر۔

کِیُونکہ ہماری دم بھر کی ہلکی سی مُصِیبت ہمارے لیے اَز حدّ بھاری اور ابدی جلال پَیدا کرتی ہےجِس حال میں کہ ہم دیکھی ہُوئی چِیزوں پر نہیں بلکہ اندیکھی چِیزوں پر نظر کرتے ہیں کیونکہ دیکھی ہُوئی چِیزیں چند روزہ ہیں مگر اندیکھی چِیزیں ابدی ہیں

پَس اوروں کی طرح سو نہ رہیں بلکہ جاگتے اور ہوشیار رہیں۔

اور کلام مُجسم ہوا اور فضل اور سچائی سے معمُور ہو کرہماری درمیان رہا اور ہم نے اُس کا ایسا جلال دیکھا جَیسا باپ کے اِکلوتے کا جلال۔

کوئی تو ایک دن کو دوسرے سے افضل جانتا ہے اور کوئی سب دنوں کو برابر جانتا ہے۔ ہر ایک اپنے دل میں پورا اِعتقِاد رکھّے۔

کِیُونکہ مُجھ کو یقین ہے کہ خُدا کی محبت ہمارے خُداوند مسِیح یسُوع میں ہے اُس سے نہ ہم کو موت جُدا کر سکے گی نہ زِندگی۔ نہ فرِشتے نہ حکُومتیں۔ نہ حال کی نہ اِستقبال کی چیزیں۔ نہ قُدرت نہ بُلندی نہ پستی نہ کوئی اور مخلوق۔

مگر جو کوئی اُس پانی میں سے پئے گا جو میں اُسے دُوں گا وہ ابدتک پیاسا نہ ہوگا بلکہ جو پانی میں اُسے دُوں گا وہ اُس میں ایک چشمہ بن جائے گا جو ہمیشہ کی زندگی کے لیے جاری رہے گا۔

کِیُونکہ خُدا نے بیٹے کو دُنیا میں اِس لیِے نہیں بھیجا کہ دُنیا پرسزا کا حُکم کرے بلکہ اِس لیے کہ دُنیا اُس کے وسیلہ سے نِجات پائے۔

کِیُونکہ خُدا نے دنیا سے ایسی محبت رکھی کہ اُس نے اپنا اِکلوتا بیٹا بخش دیا تاکہ جو کوئی اُس پر ایمان لائے ہلاک نہ ہو بلکہ ہمیشہ کی زندگی پائے۔

نِجات خُداوند کی طرف سے ہے۔ تیرے لوگوں پر تیری برکت ہو!

تاکہ یسُوع کے نام پر ہر ایک گھُٹنا ٹِکے۔ خواہ آسمانیوں کا ہو خواہ زمینیوں کا ۔خواہ اُن کا جو زمین کے نیچے ہیں۔ اور خُدا باپ کے جلال کے لیے ہر ایک زبان اِقرار کرے کہ یسُوع مسیح خُداوند ہے۔

اِسی واسطے خُدا نے بھی اُسے بہت سر بُلند کیا اور اُسے وہ نام بخشا جو سب ناموں سے اعلیٰ ہے۔

بلکہ اپنے آپ کو خالی کر دیا اور خادِم کی صورت اختیار کی اور انسانوں کے مشابہہ ہو گیا۔ اور انسانی شکل میں ظاہر ہو کر اپنے آپ کوپَست کر دیا اور یہاں تک فرمانبردار رہا کہ مَوت بلکہ صلیبی موت گوارا کی۔

ویسا ہی مِزاج رکھو جیسا مسیح یسُوع کا تھا۔ اُس نے اگرچہ خُدا کی صورت پر تھا خُدا کے برابر ہونے کو قبضہ میں رکھنے کی چیز نہ سمَجھا۔

کِیُونکہ میں اِنجیل سے شرماتا نہیں۔ اِس لیے کہ وہ ہر ایک ایمان لانے والے کے واسطے پہلے یہُودی پھر یُونانی کے واسطے نِجات کے لیے خُدا کی قُدرت ہے۔

یہ سب کُچھ اِسلئے ہُوا کہ جو خُداوند نے نبی کی معرفت کہا تھا وہ پُورا ہوکہ: "دیکھو ایک کنواری حامِلہ ہوگی اور بیٹا جنیگی اور اُسکا نام عِمانوُایل رکھینگے" جسکا کا ترجمہ ہے "خُدا ہمارے ساتھ"۔

اُس کے بیٹا ہوگا اور تُو اُس کا نام یسوع رکھنا کِیُونکہ وہی اپنے لوگوں کو اُن کےگناہوں سے نِجات دے گا۔

وہ ان باتوں کو سوچ ہی رہا تھا کہ خُداوند کے فرشتہ نے اُسے خواب میں دِکھائی دے کر کہا اے یُوسُف ابنِ داؤد اپنی بیوی مریم کو اپنے ہاں لے آنے سے نہ ڈر کِیُونکہ جو اُس کے پیٹ میں ہے وہ رُوح القدُس کی قدرت سے ہے۔