آج کے دن کی آیت

تاکہ زمین کی سب قَومیں جان لیں کہ خُداوند کا ہاتھ قوی ہے اور وہ خُداوند تُمہارے خُدا سے ہمیشہ ڈرتی رہیں۔

مگر اُس نے مُجھ سے کہا کہ میرا فضل تیرے لیے کافی ہے کِیُونکہ میری قُدرت کمزوری میں پُوری ہوتی ہے۔ پَس بڑی خُوشی سے اپنی کمزوری پر فخر کرُوں گا تاکہ مسیِح کی قُدرت مُجھ پر چھائی رہے۔

اَب جو اَیسا قادِر ہے کہ اُس کی قُدرت کے مُوافِق جو ہم میں تاثیر کرتی ہے ہماری دَرخواست اور خیال سے بہُت زِیادہ کام کر سکتا ہے۔ کلیسیا میں اور مسِیح یسُوع میں پُشت در پُشت اور ابدُالاباد اُس کی تمجید ہوتی رہے آمین۔

کہ وہ اپنے جلال کی دَولت کے مُوافِق تُمہیں یہ عنایت کرے کہ تُم اُس کے رُوح سے اپنی باطِنی اِنسانِیت میں بہت زور آور ہو جاؤ۔

لیکِن ہمارے پاس یہ خزانہ مٹی کے برتنوں میں رکھا ہے تاکہ یہ حد سے زِیادہ قُدرت ہمارے طرف سے نہِیں بلکہ خُدا کی طرف سے معلُوم ہو۔

جب وہ دُعا کر چُکے تو جِس مکان میں جمع تھے وہ ہِل گیا اور وہ سب رُوحُ القُدس سے بھر گئے اور خُدا کا کلام دلیری سے سُناتے رہے۔

کِیُونکہ اگر کوئی خُدا کے خیال سے بے اِنصافی کے باعِث دُکھ اُٹھا کر تکلیفوں کی برداشت کرے تو یہ پسندیدہ ہے۔

مگر پطرس اور یوحنا نے جواب میں اُن سے کہا کہ تُم ہی اِنصاف کرو۔ آیا خُدا کے نزدیک یہ واجِب ہے کہ ہم خُدا کی بات سے تُمہاری بات زیادہ سُنیں۔ کِیُونکہ مُمکن نہیں کہ جو ہم نے دیکھا اور سُنا وہ نہ کہیں۔

کِیُونکہ مسِیح کی مُحبت ہم کو مجبور کر دیتی ہے اِس لِئے کہ ہم یہ سَمَجھتے ہیں کہ جب ایک سب کے واسطے مُؤا تو سب مَر گئے۔ اور وہ اِس لِئے سب کے واسطے مُؤا کہ جو جِیتے ہیں وہ آگے کو اپنے لِئے نہ جیئں بلکہ اُس کے لیے جو اُن کے واسطے مُؤا اور پھِر جی اُٹھا۔

اور وہ تُم کو عِبادت خانوں میں اور حاکِموں اور اختیار والوں کے پاس لے جائیں تو فِکر نہ کرنا کہ ہم کِس طرح یا کیا جواب دیں یا کیا کہیں۔ کِیُونکہ رُوح القُدس اُسی گھڑی تُمہیں سِکھا دے گا کہ کیا کہنا چاہیئے۔

مگر اُس نے اُن سے کہا میَں ہُوں۔ ڈرو مت۔ پس وہ اُسے کشتی میں چڑھا لینے کو راضی ہُوئے اور فوراً وہ کشتی اُس جگہ جا پُہنچی جہاں وہ جاتے تھے۔

مُحبت میں خوف نہیں ہوتا بلکہ کامِل مُحبت خَوف کو دُور کر دیتی ہے کِیُونکہ خَوف سے عذاب ہوتا ہے اور کوئی خَوف کرنے والا مُحبت میں کامِل نہیں ہُوا۔

لیکن ہم ہٹنے والے نہیں کہ ہلاک ہوں بلکہ اَیمان رکھنے والے ہیں کہ جان بَچائیں۔

میرا فخر خُدا پر اور اُس کے کلام پر ہے۔ میرا تُوکل خُدا پر ہے۔ میَں ڈرنے کا نہیں۔ بشر میرا کیا کر سکتا ہے؟

اگر میں صُبح کے پر لگا کر سمُندر کی اِنتہا میں جا بسُوں تو وہاں بھی تیرا ہاتھ میری راہنمائی کرےگا اور تیرا دہنا ہاتھ مُجھے سنبھالے گا۔

جو مُجھے طاقت بخشتا ہے اُس میں میَں سب کُچھ کر سکتا ہُوں۔

اِس لیے ہم ہمت نہیں ہارتے بلکہ ہماری ظاہری اِنسانیت زائل ہوتی جاتی ہے پھِر بھی ہماری باطنی اِنسانِیت روز بروز نئی ہوتی جاتی ہے۔

میَں تُمہیں ایک نیا حُکم دیتا ہُوں کہ ایک دُوسرے سے مُحبت رکھو کہ جَیسے میَں نے تُم سے مُحبت رکھی تُم بھی ایک دُوسرے سے مُحبت رکھو۔

برادرانہ مُحبت سے آپس میں ایک دُوسرے کو پیار کرو۔ عِزت کی رُو سے ایک دُوسرے کو بہتر سَمجھو۔

تُمہاری بیویاں اور تُمہارے بال بچے اور چَوپائے اِسی مُلک میں جِسے مُوسیٰ نے یردن کے اِس پار تُم کو دیا ہے رہیں پر تُم سب جِتنے بہادُر اور سُورما ہو مُسلح ہو کر اپنے بھائیوں کے آگے آگے پار جاؤ اور اُن کی مدد کرو۔جب خُداوند تُمہارے بھائیوں کو تُمہاری طرح آرام نہ بخشے اور وہ اُس مُلک پر جِسے خُداوند تُمہارا خُدا اُن کو دیتا ہے قبضہ نہ کر لیں۔ بعد میں تُم اپنی مِلکیت کے مُلک میں لَوٹنا جِسے خُداوند کے بندہ موسیٰ نے یردن کے اِس پار مشرق کی طرف تُم کو دِیا ہے اور اُس کے مالِک ہونا۔

اورمسِیح یسُوع میں نہ تو ختنہ کُچھ کام کا ہے نہ نامختُونی مگر اِیمان جو محبت کی راہ سے اثر کرتا ہے۔

کِیُونکہ ہم اپنی نہیں بلکہ مسِیح یسُوع کی منادی کرتے ہیں کہ وہ خُداوند ہے اور اپنے حق میں یہ کہتے ہیں کہ یسُوع کی خاطر تُمہارے غُلام ہیں۔

ڈرتے ہوئے خُداوند کی عِبادت کرو۔ کانپتے ہوئے خُوشی مناؤ۔بیٹے کو چُومو۔ اَیسا نہ ہو کہ وہ قہر میں آئے اور تُم راستہ میں ہلاک ہو جاؤ کِیُونکہ اُس کا غضب جلد بھڑکنے کو ہے۔ مُبارک ہیں وہ سب جِن کا تُوکل اُس پر ہے۔

کِیُونکہ خُداوند تُمہارے خُدا نے جب تک تُم پار نہ ہو گئے یردن کے پانی کو تُمہارے سامنے سے ہٹا کر سُکھا دیا۔ جَیسا خُداوند تُمہارے خُدا نے بحرِقُلزم سے کِیا کہ اُسے ہمارے سامنے سے ہٹا کر سُکھا دِیا جب تک ہم پار نہ ہو گئے۔ تاکہ زمین کی سب قَومیں جان لیں کہ خداوند کا ہاتھ قوی ہے اور وہ خُداوند تُمہارے خُدا سے ہمیشہ ڈرتی رہیں۔

اَے اِسرائیل ! خُداوند پر اِعتماد کر کِیُونکہ خُداوند کے ہاتھ میں شفقت ہے۔ اُسی کے ہاتھ میں فِدیہ کی کثرت ہے۔

جِس حال میں کہ ہم دیکھی ہوئی چیزوں پر نہیں بلکہ اندیکھی چِیزوں پر نظر کرتے ہیں کِیُونکہ دیکھی ہُوئی چِیزیں چند روزہ ہیں مگر اندیکھی چِیزیں ابدی ہیں۔

لیکن تُو اَے خُداوند ہر طرف میری سِپر ہے۔ میرا فخر اور سرفراز کرنے والا۔

اور یشُوع نےلوگوں سے کہا تُم اپنے آپ کو مُقدس کرو کِیُونکہ کل کے دِن خُداوند تُمہارے درمیان عجیب و غریب کام کرے گا۔

زر کی دوستی سے خالی رہو اور جو تُمہارے پاس ہے اُسی پر قناعت کرو کِیُونکہ اُس نے خُود فرمایا ہے کہ میَں تُجھ سے ہر گِز دست بردار نہ ہُوں گا اور کبھی تُجھے نہ چھوڑُوں گا۔

کیا میَں نے تُجھ کو حُکم نہیں دیا؟ سو مضبوط ہو جا اور حَوصلہ رکھ۔ خَوف نہ کھا اور بیدل نہ ہو کِیُونکہ خُداوند تیرا خُدا جہاں جہاں تُو جائے تیرے ساتھ رہے گا۔

اِس لیے اگر کوئی مسِیح میں ہے تو وہ نیا مخلُوق ہے۔ پُرانی چِیزیں جاتی رہیں۔ دیکھو وہ نئی ہو گئیں۔