இந்தநாளுக்குரிய வேதவார்த்தையின் கருப்பொருள்
இயேசுவைப் போல நாம் மற்றவர்களிடம் அன்பாக வாழும்போது, நம் இரட்சகர் மரணத்தை எதிர்நோக்கிய அதே நம்பிக்கையுடனே நாமும் எதிர்கொள்ள முடியும். நம்முடைய ஆவியை தேவனுடைய கரங்களில் ஒப்புவிக்கலாம் . அவருடைய கிருபைக்குள் நம்முடைய எதிர்காலத்தை நம்பலாம். நியாயத்தீர்ப்பில் தேவனுடைய குமாரனுக்கு முன்பாக நிற்பதைப் பற்றி நாம் கவலைப்பட வேண்டியதில்லை. இருப்பினும், நமது நம்பிக்கை நமது தனிப்பட்ட சாதனைகளில் , மத முயற்சிகள் அல்லது நல்ல செயல்களில் இல்லை. நியாயத்தீர்ப்பு நாளில் நம்முடைய நம்பிக்கையானது, நம்முடைய இரட்சகரின் கிரியையை அடிப்படையாகக் கொண்டது மற்றும் அவருடன் இணைக்கப்பட்டு அவருடன் மகிமையில் பாதுகாக்கப்படுகிறது (கொலோசெயர் 2:12-15; 3:1-4). அவருடைய அன்பு நம்மை பாவத்திலிருந்து மீட்பது மட்டுமல்ல; அவரை நம்பி அவருடைய அன்பில் வாழும்படி நம்மை மறுரூபமாக்கியது . அவருடைய அன்பு நமக்குக் கிடைத்த ஈவு மாத்திரமல்ல , நம் மூலமாகவும் மற்றவர்களுக்கு கொடுக்கப்படுகிறது . நம் பிதாவின் முன்னிலையில் நாம் அவருடன் நிற்கும் வரை இயேசுவின் ஜீவன் நமக்குள் இருப்பதை அறிந்திருப்பதால் நாம் நம்பிக்கையுடனே இருக்க முடியும்.
என்னுடைய ஜெபம்
பரிசுத்த பிதாவே , மற்றவர்களை நேசிக்கும் ஆற்றலை அடியேனுக்கு கொடுத்ததற்காக நன்றி. உம் அன்பு எனக்கு அளித்த நம்பிக்கைக்காக நன்றி. என்னைக் இரட்சிக்க எவ்வளவு பெரிய காரியங்களை நடப்பித்தீர் . உம் அன்பான கிருபைக்கும், இயேசுவின் மீது நான் வைத்திருக்கும் நம்பிக்கைக்காகவும் நன்றி, அவருடைய நாமத்தினாலே ஜெபிக்கிறேன். ஆமென்.
