இந்தநாளுக்குரிய வேதவார்த்தையின் கருப்பொருள்
இந்த உலக வாழ்க்கை நம்முடைய முடிவல்ல . இந்த உலகம் நம் நிலையான வீடும் அல்ல. இந்த உலகம் நம் வாழ்க்கை பிரயாணத்தின் ஒரு தற்காலிக இடமாகும் ! இங்குள்ள பல விஷயங்கள் நம் இலக்கிலிருந்து நம்மை திசைத் திருப்பலாம் மற்றும் நமது பிராயணத்தை முடிக்க வேண்டும் என்ற ஆசையை அழித்துவிடலாம் . இந்த வகையான கவனத்தை சிதறடிக்கும் காரியங்களும், பாவமான ஆசைகளும் உண்மையில் நம்முடன் போரிடுகின்றன. இருப்பினும், பரிசுத்த ஆவியின் வல்லமையின் மூலமாக , நாம் " அவைகளுக்கு இல்லை!"என்று சொல்லலாம் . இருளாம் உலகில் சிக்கித் தவிக்கும் ஜனங்களுக்கு தேவனுடைய ஒளி மிகவும் தேவைப்படுகிறது, அப்படிப்பட்ட உலகத்தாருக்கு முன்பாக நாம் நம்பிக்கையுடனும் பண்புடனும் வாழ வேண்டியது அவசியமாகும் .
என்னுடைய ஜெபம்
பரிசுத்த தேவனே, பாவத்திலே அமிழ்ந்திருந்த நேரங்களுக்காக அடியேனை தயவுகூர்ந்து மன்னியுங்கள். சர்வவல்லமையுள்ள தேவனே , அடியேனை நீர் பெலப்படுத்துவதினால் , நான் உம்மைப் போல குணாதிசயத்திலும், பரிசுத்தத்திலும் வளர முடியும். அன்புள்ள தேவனே , என் சிநேகிதர்கள் , குடும்பத்தினர் மற்றும் அண்டை வீட்டார் ஆகியோரை வசீகரிக்கும் ஒரு பரிசுத்தமான வாழ்க்கையை வாழ எனக்கு உதவுங்கள், அதனால் அவர்கள் உமக்கு உகந்த வாழ்க்கையை வாழ்வதன் மூலம் உம்மை மகிமைப்படுத்துவார்கள். இயேசுவின் நாமத்தினாலே நான் ஜெபிக்கிறேன். ஆமென்.
