இந்தநாளுக்குரிய வேதவார்த்தையின் கருப்பொருள்
நாம் அவரை நம்பி, அவருடைய ஆசீர்வாதங்களை மற்றவர்களுடன் பகிர்ந்து கொள்ளும்போது, நமக்குத் தேவையான அனைத்தையும் அவர் உறுதி செய்வார் என்றும், மற்றவர்களுக்கு உதவ இன்னும் அதிகமாக தருவார் என்றும் பரிசுத்த வேதாகம் முழுவதும் தேவன் நமக்கு நினைவூட்டுகிறார். அப்போஸ்தலனாகிய பவுல் கொரிந்தியருக்குச் சொன்னதைக் கவனியுங்கள்: விதைக்கிறவனுக்கு விதையையும், புசிக்கிறதற்கு ஆகாரத்தையும் அளிக்கிறவர் உங்களுக்கு விதையை அளித்து, அதைப் பெருகப்பண்ணி, உங்கள் நீதியின் விளைச்சலை வர்த்திக்கச் செய்வார். தேவனுக்கு எங்களால் ஸ்தோத்திரமுண்டாவதற்கு ஏதுவாயிருக்கும் மிகுந்த உதாரகுணத்திலே நீங்கள் எவ்விதத்திலும் சம்பூரணமுள்ளவர்களாவீர்கள். நாம் எப்படி உறுதியாக இருக்க முடியும்? இயேசுவைப் பாருங்கள் - அவருடைய ஊழியம், அவரது வாழ்க்கை மற்றும் அவரது ஜெயத்தை கூர்ந்து கவனியுங்கள் .
என்னுடைய ஜெபம்
அன்புள்ள பிதாவே, உம்மைத் தவிர்த்து வேறு விஷயங்களில் என் பாதுகாப்பையும் நம்பிக்கையையும் தேட முயற்சித்ததற்காக என்னை மன்னியுங்கள். உம்மைத் தவிர நம்பிக்கை, சுதந்திரம் மற்றும் பாதுகாப்பிற்கு வேறு எந்த ஆதாரமும் இல்லை என்பது எனக்குத் தெரியும். உம்மில் எனக்குள்ள நம்பிக்கையை நீர்த்துப்போகச் செய்யும் அல்லது சிதைக்கும் ஒவ்வொரு விக்கிரங்களை இடிக்க எனக்கு உதவுங்கள். உம்மையும் உமது கிருபையையும் முழுமையாக நம்புவதற்குப் பதிலாக, எனது முயற்சிகள் மற்றும் வளங்களில் நான் அதிகம் நம்பிக்கை வைக்கும் இடங்களையும் நேரங்களையும் அடையாளம் காண என் இருதயத்தைத் திறந்தருளும் . இயேசுவின் நாமத்தினாலே ஜெபிக்கிறேன். ஆமென்.
