இந்தநாளுக்குரிய வேதவார்த்தையின் கருப்பொருள்
நாம் கிறிஸ்தவர்களாக ஆனபோது, பழைய பாவ மனிதனுக்கு மரித்து, ஒரு புதிய மனிதனாக எழுப்பப்பட்டோம். ஞானஸ்நானத்தில், இயேசுவின் மரணம், அடக்கம் மற்றும் உயிர்த்தெழுதலில் நாம் பங்கடைந்தோம் (ரோமர் 6:3-14) என்பதால் பாவம், மரணம், சாத்தான் மற்றும் நரகத்திலிருந்து அவர் ஜெயித்தடைந்ததினால் நாமும் அதிலே பங்குகொள்ள முடியும் என்று விசுவாசிக்கிறோம் . நம்முடைய ஜீவன் இப்போது இயேசுவுடனும் அவருடைய எதிர்கால மகிமையுடனும் பாதுகாப்பாக இணைக்கப்பட்டுள்ளது (கொலோசெயர் 2:12-15, 3:1-4). இவ்வுலகிலே நாம் ஆசை இச்சைகளுடன் போரிட்டு , சோதனைகளை எதிர்கொள்கிறோம், இப்போது உயிர்த்தெழுதலின் வல்லமையும், பரிசுத்த ஆவியும் நமக்குள் கிரியை செய்து அவற்றைக் மேற்க்கொள்ள உதவி செய்கிறது (யோவான் 16:33) - பழைய, மரித்த மற்றும் பாவமான மனிதன் கிறிஸ்துவுக்குள் அடக்கம்பண்ணப்பட்டு ஒரு புதிய மனிதனாக, நம் ஆண்டவரும் இராஜாவுமாகிய இயேசுவின் வருகைக்காக காத்திருக்கின்றனர் !
என்னுடைய ஜெபம்
நீதியுள்ள பிதாவே , என் கடந்த காலத்தின் மரித்த மற்றும் தூக்கி எறியப்பட்ட பாவத்தை என் இருதயத்திலிருந்தும் என் வாழ்க்கையிலிருந்தும் வெகு தொலைவில் வைத்திருக்க எனக்கு உதவிச் செய்யும் . என் வாழ்க்கை உமக்குப் பிரியமான மற்றும் பரிசுத்த ஜீவ பலியாக இருக்க வேண்டுகிறேன் . இயேசுவுக்குள் , இந்த உலகின் சோதனைகள் மற்றும் உபத்திரவத்திலும் என்னால் ஜெயிக்க முடியும் என்பதை அறிந்து,பரிசுத்த ஆவியானவரை கொண்டு உறுதியான நம்பிக்கையினால் என்னை நிரப்பும்படி கேட்டுக்கொள்கிறேன். இவை யாவற்றையும் என் இரட்சகராகிய இயேசுவின் நாமத்தினாலே ஜெபிக்கிறேன். ஆமென்.
