இந்தநாளுக்குரிய வேதவார்த்தையின் கருப்பொருள்
பரிசுத்தமான வாழ்க்கை வாழ்வது என்பது அனுதினமும் நடக்கும் போராகும், நமது மாம்சத்திற்கும் இன்னுமாய் தேவனுடைய ஆவிக்கும் இடையே நடக்கும் ஒரு போர், அந்த உள்ளான ஆவி நம்மை கிறிஸ்துவைப் போல மறுருபமாக்க கிரியை செய்கிறது . பரிசுத்த ஆவியின் வல்லமையில்லாமல் , நம் மன உறுதி இறுதியில் தோல்வியை தழுவுகிறது . ஆனால் நமக்குள் கிரியை செய்யும் பரிசுத்த ஆவியின் வல்லமையின் காரணமாக, மாம்சத்திலே உண்டாகும் நம் தோல்விகளை ஜெயித்து , கிறிஸ்துவைப் போல் ஆகும் நம்முடைய இலக்கை நோக்கி நாம் முன்னேறலாம் (கொலோசெயர் 1:28-29), இதுவே பரிசுத்த ஆவியானவர் அளிக்கும் வாக்காகும் (2 கொரிந்தியர் 3:17-18). பரிசுத்த ஆவியானவரின் வல்லமையால் நாம் தேவனுடைய பிள்ளைகளாகவும், அவருடைய மகிமையில் பங்குகொள்ள முன்குறிக்கப்பட்டவர்களாகவும் நாம் வாழத் தேர்ந்தெடுக்கிறோம், ஏனென்றால் இயேசுவின் கிருபையின் காரணமாகவும், இயேசுவானவர் நம்மீது பரிசுத்த ஆவியை நமக்குள்ளும் ஊற்றினார் (தீத்து 3:3- 7)!
என்னுடைய ஜெபம்
பிதாவே , உமது பரிசுத்த ஆவியின் அழைப்பை தள்ளி என் மாம்சத்தை நான் விரும்பி வெற்றிபெற அனுமதித்த நேரங்களுக்காக என்னை மன்னித்தருளும் . பரிசுத்த ஆவியின் அக்கினியால் என்னைச் சுத்திகரித்து, என் இரட்சகரைப் போல இருக்க என்னை முன்னோக்கி இழுத்ததற்காக உமக்கு நன்றி. இன்று, நான் முழு மனதோடே என் இருதயத்தை பரிசுத்த ஆவியானவருக்கு தருவதினால் , அது என் கடந்த கால பாவத்தை ஆற்றுவதற்காகவும், ஆவியானவர் என்னை மேலும் மேலும் இயேசுவைப் போல மாற்றுவதற்காகவும் முழுமையாய் கொடுக்கிறேன், அவருடைய நாமத்தினாலே ஜெபிக்கிறேன். ஆமென்.
