இந்தநாளுக்குரிய வேதவார்த்தையின் கருப்பொருள்
தேவன் மிகவும் பரிசுத்தமானவர், மிகவும் பராக்கிரமுள்ளவர் , மிகவும் அற்புதமானவர், ஆனாலும் அவரை "அப்பா பிதாவே " என்று அழைக்கும்படி அவர் நம்மை கட்டளையிட்டார். அப்பா என்பது யூத சிறு பிள்ளைகளால் தங்கள் தந்தையிடம் பேசுவதற்குப் பயன்படுத்தப்படும் அன்பு, பரிச்சயம், சார்ந்து இருப்பது மற்றும் அன்பின் ஒரு சொல்லாகும் . அநேக யூத குடும்பங்களில் அவர்களுடைய குடும்பத்தில் உள்ள தந்தையை "அப்பா" என்று அழைப்பது அவர்களின் வயது அல்லது அப்பாவின் வயதைப் பொருட்படுத்தாது! தேவனுடைய பரிசுத்த ஆவியின் நம்பமுடியாத ஈவின் மூலமாக , தேவன் நமக்கு இந்த மேலான ஈவாக நான் எப்பொழுதும் உங்களுக்காக இருக்கிறேன் , அன்பு, தோழமை, பாதுகாப்பு மற்றும் வல்லமையுள்ள நடத்துதல் போன்ற காரியங்களை வழங்கியுள்ளார். நித்திய மற்றும் சர்வவல்லமையுள்ள தேவனானவர் "அப்பா பிதாவாக" என்ற உறவோடு அவரை அணுகுமாறு நம்மை அழைக்கிறார். நம்முடைய தேவன், எங்கள் ஆண்டவர் , பரலோகத்தின் சேனைகளை ஆளுகிறவர் மற்றும் இப்பிரபஞ்சத்தின் சிருஷ்டிகர் , அவரே எங்கள் அப்பாவுமாய் இருக்கிறார் !
என்னுடைய ஜெபம்
அப்பா பிதாவே , எங்களுக்கு மிக நெருக்கமாக இருந்தாலும் நீர் மிகவும் பராக்கிரமுள்ளவர் , அணுகக்கூடியவர், ஆயினும் மிகவும் பரிசுத்தமானவர் , மிகவும் இரக்கமுள்ளவர் ஆயினும் மிகவும் நம்பகமானவராக இருப்பதற்காக உமக்கு கோடான கோடி நன்றி. அன்புள்ள அப்பா, உம் அன்பான பிள்ளையாக நான் உம்மிடம் வர அனுமதித்ததற்காக நன்றி. நான் இயேசுவின் நாமத்திலும், பரிசுத்த ஆவியின் வல்லமையுள்ள பரிந்துரையின் மூலமாயும் ஜெபிக்கிறேன். ஆமென்.
