இந்தநாளுக்குரிய வேதவார்த்தையின் கருப்பொருள்
தேவனே எங்கள் புகழ்ச்சி ! செங்கடலைப் பிரித்து, வனாந்தரத்தில் உள்ள இஸ்ரவேலர்களுக்கு மன்னாவை வழங்கிய தேவன் , நமக்கும் நமக்குள்ளும் மிக ஆச்சரியமான அற்புதங்களைச் செய்த தேவன் அவரே - அவர் நம் சுயநலம் நிறைந்த இருதயத்தை தம் விருப்பத்தைச் செய்யத் திருப்பினார், நம் வாழ்க்கையைத் தம்முடைய நித்தியத்துக்குரிய கிரியையை இவ்வுலகிலே செய்ய திருப்பினார், மேலும் இயேசுவைப் போல மாற பரிசுத்த ஆவியின் கிரியையின் மூலமாய் நம்மை மறுரூபமாக்கினார் ! நமக்குள்ளும் நமக்காகவும் இவை அனைத்தையும் செய்தபின், தேவனானவர் நம் இருதயங்களிலே அவர் வைத்த காரியங்களைச் செய்ய நமக்கு ஈவுகளை கொடுத்து , அதிகாரம் அளித்துள்ளார். அவரே நம் ஸ்தோத்திரத்துக்கு பாத்திரர் . நாம் தொழுதுக்கொள்ளுவதற்கு தகுதியுடையவர் அவரே நம்மை தொழுதுக்கொள்ள பாத்திரராக மாற்றியவர் !
என்னுடைய ஜெபம்
அப்பா பிதாவே , எல்லா மகிமைக்கும், கனத்துக்கும் , புகழ்ச்சிக்கும் தகுதியானவர். உங்கள் மக்களாகிய இஸ்ரவேலின் வரலாறு முழுவதும் நீர் பெரிய மற்றும் வல்லமையுள்ள செயல்களைச் செய்திருக்கிறீர்கள் - அவர்களில் பெரும்பாலோர் மக்கள் மிகவும் எளிமையானவர்கள், அவர்களையே நீர் எடுத்துப் பயன்படுத்தியவர். இன்று எங்கள் உலகில் உம்முடைய கிரியையை செய்ய எங்களைப் எடுத்துப் பயன்படுத்தியதற்காக நன்றி. அன்பான பிதாவே , உமது நித்தியப் பணியைச் செய்ய எங்களைப் போன்ற சாதாரண மக்களைப் பயன்படுத்தியதற்காக நாங்கள் உம்மைப் போற்றுகிறோம். எங்கள் இராஜாவாகிய இயேசுவின் நாமத்தினாலே ஜெபிக்கிறேன். ஆமென்.
