இந்தநாளுக்குரிய வேதவார்த்தையின் கருப்பொருள்
தேவனானவர் தம்முடைய சித்தத்தை அறிந்துகொள்ள எவ்வாறு உதவி செய்கிறார் ? தேவனானவர் வேதவசனங்களை நமக்கு கொடுத்திருக்கிறார் மற்றும் அந்த வேதவசனங்களைப் புரிந்துகொள்ள நமக்கு உதவும்படி பரிசுத்த ஆவியானவரையும் கொடுத்திருக்கிறார் என்பது தெளிவாகிறது. மிகவும் ஆழமான மற்றும் மறைமுகமாக வரையறுக்கப்பட்ட வழிகளைப் பற்றி என்ன சொல்லுவோம் ? நம்மில் பெரும்பாலோர் "ஆவிக்குரிய இடைப்படுதல் ஆங்காங்கே பெறுகிறோம் " - நான் "தேவனுடைய இடைப்படுதல் " என்று அழைக்கிறேன். ஒரு இக்கட்டான சூழ்நிலையில் நம்மில் அநேகர் ஜெபத்திலே ஆவியியானவரின் உதவி மற்றும் வழிகாட்டுதலைக் கேட்டு பல நிகழ்வுகளை நடத்தியுள்ளோம். ஒரு நண்பர் சரியான நேரத்தில் நம்மை அழைத்து பேசுகிறார் அல்லது எழுதுகிறார்; நாம் ஒரு கட்டுரையைப் படிக்கிறோம் அல்லது ஒரு பிரசங்கத்தைக் கேட்கிறோம், அந்த பிரசங்கமோ அல்லது கட்டுரையோ நம்முடைய கவலை அல்லது குழப்பத்திற்கான காரணத்தை அல்லது தீர்வை நமக்கு சுட்டிக்காட்டுகிறது ; நம்முடைய தொழுகையில் உள்ள பல பாடல்கள் நாம் தேவனின் வழிகாட்டுதலைத் தேடும் காரியங்களில் நம்மைக் குற்றப்படுத்துகின்றன; அல்லது, ஒரு கடினமான சூழ்நிலையில் எது சரி?எது தவறு? என்று பகுத்தறிய உதவும் நம் மனசாட்சியின் மீது ஒரு அழுத்தத்தை நாம் உணர்கிறோம். நாம் சந்தேகப்படாமல் ஞானத்திற்காக ஜெபித்தால், அவர் அதை நமக்குத் தருவார் (யாக்கோபு 1: 5-6) என்றும், நாம் அவரை மெய்யாக தேடினால், அவரைக் கண்டுபிடிப்போம் என்றும் தேவன் உண்மையாய் கூறுகிறார் (மத்தேயு மத்தேயு 7: 7-8 ) அவருடைய சத்தம் இடி முழக்கங்களை எழுப்புகிறது மற்றும் சில நேரங்களில் மெல்லிய சத்தத்தினால் அற்புதமான வழிகளில் நம்மை நடத்துகிறது !
என்னுடைய ஜெபம்
பரிசுத்தமுள்ள தேவனே , என் வாழ்க்கையில் அநேக முக்கியமான விஷயங்களைப் பற்றிய உமது சித்தத்தை அறிய எனக்கு உதவிச் செய்யும் . எனக்கு கொடுக்கப்பட்ட மனித ஞானத்தின் அடிப்படையில் நான் முடிவுகளை எடுக்க விரும்பவில்லை. நான் பின்தொடர விரும்பும் திசையில் உம்முடைய பரிசுத்த ஆவியின் மூலமாக என்னை வழிநடத்துங்கள், மேலும் நம்பிக்கையுடனும் தைரியத்துடனும் அங்கு செல்ல எனக்கு பெலன் தாரும் . இடி ஓசையின் சத்தம் அல்லது மெல்லிய சத்தத்தினாலும் உம் வழியை எனக்கு இன்னும் தெளிவாக காண்பிக்கும் அளவுக்கு என் வாழ்க்கையைப் குறித்து அக்கறை கொண்டதற்காக உமக்கு நன்றி. இயேசுவின் நல்ல நாமத்தினாலே நான் ஜெபிக்கிறேன். ஆமென்.
