இந்தநாளுக்குரிய வேதவார்த்தையின் கருப்பொருள்
எனது சிறு பிரயாயத்திலே மேற்கு டெக்சாஸில் வளர்ந்த நான், "வறண்ட நிலம் " என்றால் என்னவென்று நிச்சயமாக அறிவேன். கருமையான மண் சுருங்கி அல்லது வறண்டு , நிலத்தில் ஆழமான பிளவுகளை ஏற்படுத்துகிறது. அனைத்து புல் மஞ்சள் நிறமாகவும், பின்னர் பழுப்பு நிறமாகவும் மாறி இறந்தும் விடும். தென்றல் காற்று தரிசு நிலத்தின் மீது வீசி தூசியை சுழலச் செய்கிறது. மழை இறுதியாக வரும்போது, மழை ஈரமான பரப்புகளில் இருந்து ஓடி, வறட்சியின் ஆழமான விரிசல்களுக்குள் நுழைவதால், "வறண்ட நிலம்" அதிக அளவு தண்ணீரை உறிஞ்சுகிறது . நிலம் நீரை உள்வாங்கி வைத்துக்கொண்டு , புல் மீண்டும் உயிர் பெறுகிறது, நிலப்பரப்பு நிரப்பப்படுகிறது. ஒரு வறண்ட ஆவிக்குரிய பாழான நிலத்தில், தேவன் பரிசுத்த ஆவியானவர் அவருடைய ஆசீர்வாதத்தை பொழிகிறார் , புத்துணர்ச்சிக்கான காலத்தை கொண்டு வருகிறார், மேலும் தாகமுள்ள நம் இருதயங்களை நிரப்புகிறார். கர்த்தர் ஏசாயாவுக்கு கூறின வாக்குத்தத்தத்தை இயேசுவானவர் நமக்கு நினைப்பூட்டுகிறார் : இயேசு நின்று, சத்தமிட்டு: ஒருவன் தாகமாயிருந்தால் என்னிடத்தில் வந்து, பானம்பண்ணக்கடவன்.வேதவாக்கியம் சொல்லுகிறபடி என்னிடத்தில் விசுவாசமாயிருக்கிறவனெவனோ அவன் உள்ளத்திலிருந்து ஜீவத்தண்ணீருள்ள நதிகள் ஓடும் என்றார். தம்மை விசுவாசிக்கிறவர்கள் அடையப்போகிற ஆவியைக்குறித்து இப்படிச்சொன்னார். யோவான்-John -7 : 37 - 39
என்னுடைய ஜெபம்
உதாரத்துவமுள்ள மற்றும் அன்பு நிறைந்த பிதாவே , நீர் என் வாழ்க்கையில் பொழிந்த அநேக ஆசீர்வாதங்களுக்காக உமக்கு நன்றி. எல்லாவற்றிற்கும் மேலாக, அன்பான பிதாவே , உம் பரிசுத்த ஆவியானவரின் மூலமாக நீர் அருளின உமது பிரசன்னத்தின் ஆசீர்வாதத்திற்காகவும் , உமது பெலத்திற்காகவும் , உமது கிருபைக்காகவும் , உமது புத்துணர்ச்சிக்காகவும் நன்றிசெலுத்துகிறேன் . இயேசுவின் நல்ல நாமத்தின் மூலமாய் , நான் உமக்கு நன்றி கூறி ஜெபிக்கிறேன் . ஆமென்.
