آج کی آیت پر خیالات
کُچھ لوگ ساؤل کے سادہ پسِ منظر اور غیر شاہانہ خاندانی تاریخ کی وجہ سے نہیں چاہتے تھے کہ وہ اُن کا بادشاہ ہو۔ اکثر اوقات، ہم آج بھی ویسے ہی کام کرتے ہیں— لوگوں کی وراثت اور ماضی کی وجہ سے لوگوں پر ایک چھاپ لگاتے اور خُدا کے لوگوں کی راہنمائی یا خُدا کی بادشاہت کی خِدمت کرنے کی اُن کی صلاحیت کو نظر انداز کرتے ہیں۔ خُدا، تاہم، کسی انسان کے شجرہِ نسب کو نہیں دیکھتا۔ وہ دِل کی کھوج کرتا ہے۔ چنانچہ، پیارے راہنما، براہِ کرم خُدا کے نزدیک رہیں، کیونکہ آپ پر اعتراز کِیا جائے گا۔ لیکن، براہِ کرم کسی معمولی تنقید پر ردِ عمل ظاہر نہ کریں؛ بلکہ، اپنے آپ کو بے باکی کے ساتھ خُدا کی خدمت کے لیے وقف کر دیں۔ اور اُن سب کے لیے جو پیرو ہیں، خُدا کے خادم ہونے کے ناطے کسی کو رَد کرنے میں جلدی نہ کریں کیونکہ وہ کسی اعلیٰ شجرہِ نسب سے عاری ہو سکتا ہے۔ لوگوں کی وسیع اقسام کو یاد رکھیں جن کو خُدا نے بائبل کی کہانیوں میں استعمال کِیا ہے۔ یہ بھروسہ رکھیں کہ وہ راہنمائی کے لیے لوگوں کے انتخاب میں بہت خالق ہے۔
میری دعا
پیارے خُدا، براہِ کرم مُجھے اُن وقتوں کے لیے مُعاف کردے جب میں نے راہنماؤں کے انتخاب پر شک کِیا۔ براہِ کرم مُجھے اور ساتھ ہی میری جماعت کو، اُن راہنماؤں کو جاننے کی صلاحیت عطا فرما جو ہمارے درمیان ہیں۔ براہِ کرم اُن کو یہ حوصلہ عطا فرما کہ وہ حقیقی اور بغیر خود غرضی کے راہنمائی کریں۔ یسُوع کے نام میں۔ آمین۔
