آج کی آیت پر خیالات
مجھ سے آج دنیا کیا سننا چاہتی ہے؟ ایک ایسی زندگی جس میں فضل کی دُھن ہے جسکا میں دعویٰ کرتا اور جس پر میں ایمان رکھتا ہوں۔ حزب اختلاف، مایوس کرنے والوں، اور یہاں تک کہ ظلم و ستم کو پطرس کا جواب یہ ہوتا تھا کہ اچھائی کرو اور یسُوع جیسے بنو۔ ہم یسُوع میں آزاد ہیں، لیکن آزاد ہونے کا مطلب ہے کہ ہمیں ضرورت نہیں ہے کہ ہم اپنی آزادی کا اظہار کر کے اُس کو ثابت کریں۔ بلکہ، ہم اُس کے لیے جیئں جو کہ موت کو فتح کرنے کے لیے مُؤا اور آسمانی آزادی کو چھوڑنے کا اعلان کیا تاکہ ہم اُس کو حاصل کر سکیں۔ ہم دوسروں کی، اور خاص طور پر خُدا کی خدمت کرنے کے لیے آزاد ہیں۔
میری دعا
مقدس باپ، میرے عظیم نجات دہندہ، تُو نے مجھے اپنے قیمتی بیٹے کے عوض گناہ، شریعت اور موت سے آزاد کیا۔ میں اپنا دل تیرے لیے یہ کہنے کے لیے کھولتا ہوں کہ میں تُجھ سے پیار کرتا ہوں۔ میں چھٹکارے کے عظیم تحفے کے لیے تیرا شکر ادا کرنا چاہتا ہوں۔ میری زندگی کے اعمال اور میرے منہ کے الفاظ اور میرے دماغ کے خیالات اور میرے دل کے احساسات کو آج میری شکر گزاری کے طور پر قبول فرما۔ یسُوع کے نام میں مانگتاہوں، جو کہ میرا کفارہ اور تیرا مقدس بیٹا ہے۔ آمین۔
